There Are Signs of a Massive AI Backlash — ინსაითი

აშშ-ში ხელოვნური ინტელექტის ინფრასტრუქტურის წინააღმდეგ ფიზიკური და პოლიტიკური წინააღმდეგობა მწვავდება. მიმდინარე კვირაში, მისურის შტატის ერთ-ერთი ქალაქის ამომრჩევლებმა საკრებულოს წევრების 50% თანამდებობიდან გადააყენეს მას შემდეგ, რაც მათ ახალი მონაცემთა ცენტრის მშენებლობა დაუშვეს.

გადაწყვეტილების მიზეზი ადგილობრივი ხელისუფლების მიერ $6 მილიარდიანი პროექტის დამტკიცება გახდა. პარალელურად, ინდიანაპოლისში საკრებულოს წევრის სახლს 12 ტყვია ესროლეს და დატოვეს წერილი „არა მონაცემთა ცენტრებს". ძალადობრივი აქტი დაფიქსირდა OpenAI-ის CEO-ს, სემ ოლტმენის მიმართაც - მის სახლს მოლოტოვის კოქტეილი ესროლეს. დამატებით, იზრდება პროტესტი დასაქმებულების მხრიდანაც, რომლებიც უარს აცხადებენ დაატრენინგონ მოდელები, რომლებიც სამომავლოდ მათ სამუშაო ადგილებს ჩაანაცვლებს.

ინდუსტრიაში არსებული უკმაყოფილების ფონზე, ტექნოლოგიური კომპანიები ნარატივის შეცვლას ცდილობენ. OpenAI-მ გამოაქვეყნა დოკუმენტი 4-დღიანი სამუშაო კვირის პერსპექტივაზე და შეიძინა პოდკასტების ქსელი TBPN. მეორე მხრივ, Anthropic-ის CEO, დარიო ამოდეი ხაზს უსვამს, რომ ხელოვნური ინტელექტი საზოგადოებისთვის დიდ რისკს წარმოადგენს.

მსგავსი ინციდენტები აჩვენებს, რომ ტექნოლოგიური სექტორის მიმართ საჯარო უკმაყოფილება უკვე პირდაპირ აფერხებს მოდელების მუშაობისთვის საჭირო ინფრასტრუქტურის განვითარებასა და ახალი ცენტრების აშენებას.