🤖 Commonwealth-ის 5 გამარჯვებულიდან 3-ს AI-ის გამოყენებაში ამხილებენ საერთაშორისო ლიტერატურული კონკურსის, Commonwealth Short Story Prize-ის 2026 წლის ხუთი რეგიონული გამარჯვებულიდან სამი ავტორი ხელოვნური ინტელექტის ფარულად გამოყენებაშია ეჭვმიტანილი. ჟურნალ WIRED-ის დამოუკიდებელი გამოძიება ადასტურებს, რომ უორტონის ბიზნეს სკოლის პროფესორის, ითან მოლიკის მიერ გამოთქმული ეჭვები საფუძვლიანია და ფინალისტების საკონკურსო მოთხრობების უდიდესი ნაწილი პირდაპირ ჩატბოტებმა დააგენერირეს. კარიბის რეგიონის გამარჯვებულის, მწერალ ჯამირ ნაზირის მოთხრობა „The Serpent in the Grove“ ტექსტის დეტექტორმა, Pangram-მა 100%-ით მანქანურ ნამუშევრად შეაფასა. იდენტური შედეგი აჩვენა კანადა/ევროპის გამარჯვებულის, ავტორ ჯონ ედვარდ დემიკოლის ნაშრომმაც, სადაც ანალიტიკურმა პროგრამამ 99%-იანი ხელოვნური ინტელექტის კვალი დააფიქსირა, ხოლო აზიის რეგიონის გამარჯვებულის, მწერალ შარონ არუპარაიილის ტექსტშიც მაღალი მანქანური ჩარევა გამოვლინდა. კონკურსის ორგანიზატორმა, Commonwealth Foundation-მა განაცხადა, რომ 8 000-მდე აპლიკანტმა შერჩევის ეტაპზე წერილობით უარყო ხელოვნური ინტელექტის გამოყენება. ტექსტების გამომცემელმა, ჟურნალ Granta-ს წარმომადგენლებმა კი დაადასტურეს, რომ ნაშრომების ავთენტურობა არ გადაუმოწმებიათ და მხოლოდ გრამატიკული კორექტირებით შემოიფარგლნენ, რადგან მსგავს პრეცედენტს არ ელოდნენ. ეს ფაქტი მკაფიოდ აჩვენებს ლიტერატურული ინდუსტრიის სისტემურ მოწყვლადობას ახალი ტექნოლოგიების მიმართ, რადგან მსხვილ კონკურსებს ფიზიკურად არ აქვთ „არა-AI“ წესის აღსრულებისა და ათასობით შემოსული ტექსტის ფილტრაციის ზუსტი, ავტომატიზებული სტანდარტი.