⚠️ ხელოვნური ინტელექტის ინდუსტრიის „ოქროს ხანა" სინამდვილეში მონაცემების შიმშილის ზღვარზეა და ამას MIT Technology Review-ს ბოლო გრაფიკებიც ადასტურებს. ყველა ახალ მოდელზე ვამბობთ, რომ ის წინაზე ჭკვიანია. მაგრამ ჩემს ყოველდღიურ პროდაქშენში, სადაც 30-ზე მეტი აგენტი მუშაობს, სულ სხვა რამეს ვხედავ. Claude-ს ან Gemini-ს ახალ ვერსიებს როცა სცენარების დასაწერად ვიყენებ, ვხვდები, რომ მათი „კრეატიულობა" წრეზე ტრიალებს. მიზეზი მარტივია: ინტერნეტში ხარისხიანი ტექსტი ამოიწურა. მკვლევარები პროგნოზირებენ, რომ 2026 წლისთვის მაღალი ხარისხის ენობრივი მონაცემები ფიზიკურად აღარ იარსებებს. ახლა ყველაფერი სინთეზურ მონაცემებზე გადადის - ხელოვნური ინტელექტი საკუთარი თავისგან სწავლობს. ეს იგივეა, ფოტოკოპიის ფოტოკოპიას აკეთებდე. ყოველ ჯერზე დეტალები იკარგება, ხმაური კი იმატებს. ჩემს სისტემაში Grok-ის მიერ გენერირებულ ვიზუალებს თუ ისევ AI-მ გაუკეთა ანალიზი და ახალი სცენარი დაწერა, მესამე ციკლზე ვიღებთ აბსოლუტურ აბსურდს. 🧪 მალე ყველაზე ძვირფასი აქტივი არა ალგორითმი, არამედ 2023 წლამდე დაწერილი ნამდვილი, ადამიანური ტექსტები იქნება. 🛠 მონაცემების რაოდენობაზე ორიენტირებული მოდელების ეპოქა დასრულდა.