⚠️ OpenAI-ის დირექტორის, სამ ოლტმენის ბოლო განცხადება იმაზე, რომ AGI ეკონომიკას ჩამოშლის და სამუშაო ადგილებს გააქრობს, ზუსტად იმ პარადოქსს აშიშვლებს, რომელსაც ყოველდღიურ პროდაქშენში ვხედავ. სამ ოლტმენი ამბობს, რომ მომავალში არავინ იმუშავებს, თუმცა თავად ძილს იკლებს, რადგან ახალი GPT-5.5 იმდენად ეფექტურია, რომ მუშაობის შეწყვეტა არ სურს. ეს არის მთავარი ტყუილი, რომელსაც AI-ის შესახებ გვაწვდიან: თითქოს ტექნოლოგია დროს გამოგვითავისუფლებს. ჩემს სისტემაში, სადაც 30-ზე მეტი აგენტი Claude-ისა და Gemini-ს ბაზაზე მუშაობს, პირიქით მოხდა. რაც უფრო მეტს აკეთებს ხელოვნური ინტელექტი, მით უფრო ჩქარდება ტემპი ჩემთვის. როცა სისტემას 100 ვიდეოს გენერირება შეუძლია კვირაში, შენ აღარ ისვენებ - შენ ამ 100 ვიდეოს ხარისხის კონტროლზე, სტრატეგიასა და ახალ პლატფორმებზე გადაწყობაზე გადადიხარ. ხელოვნური ინტელექტი სამუშაოს კი არ აქრობს, არამედ მის ინტენსივობას ზრდის იმ დონემდე, რომ ადამიანური რესურსი მუდმივ „ფორსაჟის" რეჟიმშია. ეკონომიკა კი არ ჩამოიშლება, არამედ გაიყოფა მათზე, ვინც ამ ტემპს აჰყვება და მათზე, ვინც უბრალოდ ფიზიკურად ვეღარ გაუძლებს სისტემის სიჩქარეს. ⚡️ სამუშაო ადგილების გაქრობაზე დარდი მხოლოდ პიარია, რეალური საფრთხე კი გადაწვაა იმ ინსტრუმენტების გამო, რომლებიც წესით უნდა გვეხმარებოდნენ. 🛠