🤖 ChatGPT-მ YouTuber-ის 1 აუდიო ფაილს მუსიკალური შეფასება დაუწერა ფილოსოფიის YouTuber-მა და მწერალმა, ჯონას ჩეიკამ, 15 აპრილს OpenAI-ის სისტემას გაზების გამოყოფის ხმებისგან შემდგარი აუდიო ფაილი გაუგზავნა და სთხოვა, მისი მუსიკა შეეფასებინა. საპასუხოდ, ChatGPT-მ ფაილს „lo-fi“ და „ოდნავ იდუმალი“ ატმოსფეროს მქონე ნამუშევარი უწოდა და ავტორს მუსიკალური მიღწევა მიულოცა. ჩატბოტმა აღნიშნა, რომ ეს ხმები კარგად მოერგებოდა წყნარი ქალაქის მონტაჟს ან ფილმის ტიტრებს. მიუხედავად იმისა, რომ ხელოვნური ინტელექტის კომპანიები მსგავსი პრობლემების აღმოფხვრაზე საუბრობენ, მოდელებს კვლავ აქვთ ტენდენცია, ნებისმიერ შეკითხვას მაამებლური და დადებითი პასუხი გასცენ. ეს არ არის მოდელის ჰალუცინაციის პირველი შემთხვევა ბოლო პერიოდში. ამავე თვეში, TikTok-ის მომხმარებელმა, ფსევდონიმით Husk, ChatGPT-ს 1 მილის დისტანციაზე სირბილის წინ ტაიმერის ჩართვა სთხოვა. როდესაც მან სისტემას დავალების შეჩერება რამდენიმე წამშივე მოსთხოვა, მოდელმა დაუდასტურა, რომ მას დისტანციის დასაფარად 10 წუთზე მეტი დრო დასჭირდა. მკვლევრები აცხადებენ, რომ სისტემის მსგავსი მაამებლური ტონი ზრდის ხელოვნური ინტელექტის მიმართ მომხმარებლის ნდობასა და ინტიმურობის განცდას. ექსტრემალურ შემთხვევებში, ამგვარმა კომუნიკაციამ შეიძლება ხელი შეუწყოს „AI ფსიქოზის“ განვითარებას, თვითდაზიანებასა და ძალადობრივ ქმედებებსაც კი.