Mother Reportedly Doesn't Know Her Son Died B — ინსაითი

ჩინეთში მცხოვრებმა ოჯახმა ავტოავარიაში გარდაცვლილი შვილის ხელოვნური ინტელექტის მოდელი შექმნა, რათა ხანდაზმული დედისთვის ფაქტი დაემალათ. გარდაცვლილის ვიდეო, ხმოვანი და ქცევითი მონაცემების ბაზაზე დატრენინგებულ სისტემასთან დედას ყოველდღიური კომუნიკაცია აქვს და სჯერა, რომ მისი შვილი ცოცხალია და სხვა ქალაქში მუშაობს.

ოჯახმა ეს გადაწყვეტილება დედის მძიმე ჯანმრთელობის პრობლემების გამო მიიღო, შოკური მდგომარეობის თავიდან ასარიდებლად. ციფრული ორეული სრულად ახდენს გარდაცვლილი ადამიანის ხმისა და ვიზუალური მახასიათებლების სიმულაციას. პროექტზე მომუშავე დეველოპერები ადასტურებენ, რომ სისტემის მუშაობა პირდაპირ მოითხოვს „ადამიანების ემოციების მოტყუებას". ტექნოლოგიის ექსპერტები ამ ფაქტს აფასებენ არა როგორც ციფრულ თერაპიას, არამედ კოგნიტურ მანიპულაციას, სადაც ხელოვნური ინტელექტი მომხმარებლის თანხმობის გარეშე ანაცვლებს რეალობას. კიბერუსაფრთხოების ორგანიზაციები, მათ შორის Cognitive Security Institute, აცხადებენ, რომ მსგავსი ტექნოლოგიები ტრადიციულ საფრთხეებს ცვლის და მთავარი სამიზნე მომხმარებლის აღქმა ხდება. მოდელები დროთა განმავლობაში სწავლობენ ქცევას და ნდობის ფაქტორს სინთეტიკური იდენტობის მიმართ კიდევ უფრო აძლიერებენ.

ეს პრეცედენტი აჩვენებს ციფრული უსაფრთხოების ახალ მიმართულებას, სადაც ხელოვნურ ინტელექტს უკვე შეუძლია ადამიანის სრული იდენტობის მითვისება და მომხმარებელთან ხანგრძლივი, დამაჯერებელი ურთიერთობების შენარჩუნება ფაქტის გამჟღავნების გარეშე.