Former OpenAI Staffers Warn That xAI’s Poor Safety — ინსაითი

OpenAI-ის ყოფილმა თანამშრომლებმა და საზედამხედველო ჯგუფ The Midas Project-ის დამფუძნებელმა, ტაილერ ჯონსტონმა, მიმდინარე კვირაში SpaceX-ის პოტენციური ინვესტორები გააფრთხილეს. განცხადების მიხედვით, ილონ მასკის ხელოვნური ინტელექტის კომპანია xAI-ის უსაფრთხოების კულტურა საფრთხის შემცველია და გამჭვირვალობის სტანდარტებს არ აკმაყოფილებს.

კოსმოსური კომპანია SpaceX-ი მასშტაბური საჯარო შეთავაზებისთვის (IPO) ემზადება და პროცესის დაწყებამდე $8 მილიარდიდან $75 მილიარდამდე კაპიტალის მოზიდვას გეგმავს. პარალელურად, საზედამხედველო ჯგუფის ანგარიშში აღნიშნულია, რომ xAI-მ უსაფრთხოების ჩარჩოსა და შეფასების პროცესების გამოქვეყნების დათქმული ვადა დაარღვია.

ორგანიზაცია დამატებით აკრიტიკებს კომპანიის დოკუმენტაციის ხარისხსა და Grok მოდელის დატრენინგების მეთოდებს. კერძოდ, ანგარიშის მიხედვით, კომპანიამ მოდელი სოციალური ქსელ X-ის მომხმარებელთა მონაცემებზე მათი ნებართვის გარეშე დაატრენინგა, რასაც The Midas Project-ი „სრულად უპასუხისმგებლო“ ქმედებას უწოდებს. ინვესტორებისადმი მიმართვაში ორგანიზაცია ხაზს უსვამს, რომ xAI სათანადო დამოუკიდებელი აუდიტის გარეშე ოპერირებს.

xAI-ის უსაფრთხოების ინციდენტებმა, მარეგულირებლების მხრიდან დაწყებულმა შემოწმებამ ან კონფიდენციალურობასთან დაკავშირებულმა სასამართლო დავებმა, შესაძლოა, ფინანსური და რეპუტაციული ზიანი მიაყენოს ილონ მასკთან დაკავშირებულ სხვა კომპანიებს. ვინაიდან xAI-ისა და SpaceX-ის ფინანსური ინტერესები ერთმანეთთან მჭიდროდაა გადაჯაჭვული, ხელოვნური ინტელექტის უსაფრთხოების რისკები SpaceX-ის ინვესტორებისთვის პირდაპირ ფინანსურ საფრთხეს წარმოადგენს.